अपरिचित व्यक्तिले व्यवसायीको गाडीमा सुटकेस राखेर फरार भएपछि…
काठमाडौँ । धादिङमा एक अपरिचित व्यक्तिले व्यवसायीको गाडीमा सुटकेस राखेर फरार भएपछि आतंक सृजना भएको छ ।
बुधबार दिउँसो बीच सडकमा रोकी राखेको गाडीमा अपरिचित व्यक्तिले सुटकेस छाडेपछि आतंक सृजना भएको हो ।
जिल्ला प्रहरी कार्यालय धादिङका प्रमुख एसपी गौतम केसीका अनुसार अपरिचित व्यक्तिले स्थानीयको कारमा सुटकेस राखिदिएको सूचना आएपछि प्रहरी घटनास्थलमा पुगेको छ ।
‘कार धनीले नै सुटकेस आफ्नो नरहेको र शङ्कास्पद भनेपछि प्रहरीले डिस्पोजल टोली बोलाएर डिस्पोज गर्ने तयारीमा छौं,’ उनले भने ।
उनका अनुसार गजुरीबाट सेनाको डिस्पोजल टोली घटनास्थल आइरहेको छ ।
