बागमती प्रदेशमा सबैभन्दा धेरै डेंगु सङ्क्रमित

बागमती संवाददाता
११ असार २०८१, सोमबार १६:३७

काठमाडौँ । बागमती प्रदेशमा सबैभन्दा धेरै डेंगु सङ्क्रमित देखिएका छन् । देशभर ७७ जिल्लामध्ये ७२ जिल्लामा डेंगु फैलिएकामा सबैभन्दा बढी बागमती प्रदेशमा सङ्क्रमित पुष्टि भएको हो ।

इपिडिमियोलोजी तथा रोग नियन्त्रण महाशाखा (ईडीसीडी) का अनुसार सन् २०२४ को जनवरीदेखि जुन २३ सम्मको अवधिमा देशभर १२ सय ६८ जनामा डेंगु देखिएकामा बागमती प्रदेशमा मात्रै ४४२ जना सङ्क्रमित छन् ।

ईडीसीडीको पछिल्लो तथ्यांक अनुसार कोशी प्रदेशमा २९० जनामा डेंगु पुष्टि भएको छ । यस्तै, मधेस प्रदेशमा ३४ जना, गण्डकी प्रदेशका १९० जना, लुम्बिनीमा १५१ जना र कर्णाली प्रदेशमा १९ जनामा डेंगु सङ्क्रमण पुष्टि भएको छ । यस्तै सुदूरपश्चिममा १४२ जनामा डेंगु पुष्टि भएको छ ।

यसमा तपाइको मत

Your email address will not be published. Required fields are marked *


*