आगलागीबाट मकवानपुरगढी गाउँपालिका अध्यक्ष स्याङ्तानको घर जलेर नष्ट
मकवानपुर । मकवानपुरको मकवानपुरगढी गाउँपालिकाका अध्यक्ष दोर्जे लामा स्याङतानको घरमा आगलागी भएको छ । मकवानपुरगढी गाउँपालिका वडा नं.३ धमिलेस्थित रहेको अध्यक्ष स्याङतानको घरमा आज मंगलबार दिउँसोको समयमा आगलागी भएको हो ।
घरमा लागेको आगो प्रहरी, स्थानीय र हेटौंडा उपमहानगरपालिकाको दमकलको सहयोगमा नियन्त्रणमा आएको छ । आगलागीबाट घर जलेर पूर्णरुपमा क्षति भएको छ भने क्षतिको विवरण भने आउँन बाँकी छ ।
आगलागीको कारण विधुत सर्ट भएर भएको स्थानीयहरुको भनाई छ । तर पुष्टी हुन भने बाँकी रहेको छ ।
