पाकिस्तानमा उन्मूलन भएन पोलियो
काठमान्डौ । पर्याप्त विदेशी कोष र अन्तर्राष्ट्रिय स्वास्थ्य संगठनहरूको सहयोगका बाबजुद पाकिस्तानले पोलियो उन्मूलनको लागि संघर्ष गरिराखेको छ।
यो अवस्थाले पाकिस्तानी अधिकारीहरूले यो रोग उन्मूलन गर्न सामना गर्नुपरेको महत्वपूर्ण चुनौतीहरूलाई रेखांकित गर्दछ। कट्टरपन्थी समूहहरूले खोप कार्यक्रमको बारेमा गलत जानकारी फैलाएर पोलियो कार्यकर्ताहरूमाथि आक्रमणहरू बारम्बार भइरहेका छन्।
यो वर्ष मात्रै खैबर पख्तुनख्वा (केपी)प्रान्तमा पोलियो खोप अभियानको सुरक्षामा खटिएका ११ प्रहरीको हत्या भएको छ। यस्तै, जुन ३ मा अज्ञात बन्दुकधारीहरूले लक्की मारवत जिल्लामा पोलियो टोलीमाथि आक्रमण गर्दा एक प्रहरी अधिकारीको मृत्यु भएको थियो।
पाकिस्तानमा पोलियो उन्मूलन टोली, वरिष्ठ स्वास्थ्यअधिकारी माथि विभिन्न राजनीतिक तथा अन्य कट्टरपन्थी समूहबाट पटकपटक आक्रमण गरेका छन्।
यसबाहेक, पाकिस्तानका केही क्षेत्रहरूमा पोलियो खोपको धार्मिक विरोधले छिमेकी अफगानिस्तान र अन्य इस्लामिक देशहरूलाई असर गर्न सक्छ, किनकि पाकिस्तान र अफगानिस्तान मात्र पोलियोका केसहरु देखिएका छन्।
२०२३ मा मात्र पाकिस्तानमा ६ वटा पोलियोको केस देखा परेको छ। पाकिस्तानमा पोलियोविरोधी अभियानमा सहभागीहरु प्रायः हिंसाको सिकार भएका छन्।
जनवरीमा, तेहरिक—ए—तालिबान पाकिस्तानले पोलियो अभियानकर्मी सुरक्षामा खटिएका सुरक्षाकर्मीमाथि आक्रमण गर्दा ६ जना सुरक्षा अधिकारी मारिएका थिए भने अन्य १० जना घाइते भएका थिए। हालैका वर्षहरूमा पाकिस्तानका विभिन्न भागहरूमा यस्तै आक्रमणहरू भएका छन्।
विश्व स्वास्थ्य संगठन (डब्लुएचओ) जस्ता विश्व स्वास्थ्य संगठनहरू पाकिस्तानको पोलियोविरोधी अभियानमा भ्रष्टाचार भएकोमा चिन्तित छन्।
पाकिस्तानमा सन् २०१२ देखि मुख्यतया केपी प्रान्तमा झण्डै १०० पोलियो खोपमा काम गर्ने अभियानकर्ता मारिएका छन्। मे २०११ मा ओसामा बिन लादेनको हत्या पछि, पाकिस्तानमा, विशेष गरी केपीमा, बिन लादेनलाई पत्ता लगाउन संयुक्त राज्य अमेरिकाले नक्कली पोलियो खोप कार्यक्रम चलाएको पाकिस्तानले आरोप लगाउँदै आएको छ।
