झापामा रोकिराखेको जीपलाई स्कूटरले ठक्कर दियो, दुई जनाको गयो ज्यान
बनियानी– झापाको मेचीनगरमा बुधबार राति दुर्घटना हुँदा दुई जनाको ज्यान गएको छ । मेचीनगर नगरपालिका–१२ धाइजनस्थित मेची लोकमार्गमा बिग्रिएर रोकिराखेको जीपलाई स्कूरले ठक्कर दिँदा स्कूटरमा सवार दुई जनाको ज्यान गएको हो ।
जिल्ला प्रहरी कार्यालय झापाका प्रवक्ता एवं प्रहरी नायब उपरीक्षक कृष्णकुमार चन्दका अनुसार चारआलीबाट बुधबारेतर्फ जाँदै गरेको मे ७ प ७२८३ नम्बरको स्कूटरले सडकको बायाँतर्फ बिग्रिएर रोकिराखेको को १ च ७२६४ नम्बरको जीपलाई ठक्कर दिएको हो ।
मृत्यु हुनेमा स्कुटर चालक बुद्धशान्ति–५ का २५ वर्षीय लीलाप्रसाद ढुङ्गेल र त्यसमा सवार इलामको रोङ गाउँपालिका–५ बहुवनका २९ वर्षीय चेतन रिजाल रहेका छन्
